Бакырчы мәктәбе укучылары җиңү яулады

Россиянең Татарстан Республикасы буенча монополиягә каршы Федераль хезмәт идарәсе оештырган республикакүләм конкурста Бакырчы төп мәктәбе укучылары зур җиңү яуладылар. "Көндәшлек иреге һәм эшмәкәрлекне эффектлы яклау" темасы буенча сочинение-эссе номинациясендә 5 класс укучысы Кәлимуллина Исламия (җитәкчесе Төхвәтуллина Р.Ф.), шигырь номинациясендә 6 класс укучысы Вафина Адилә (җитәкчесе Шәфигуллина Г. Р.) икесе дә 1 нче урынга лаек булып, Казанда бүләкләү тантанасыннан диплом һәм 5 мең сумлык сертификат белән кайттылар. Котлыйбыз, укучылар, бу җиңүегез алда булачак зур җиңүләрегезнең башы булсын!